ကုလသမဂ္ဂအတွင်းရေးမှူးချုပ်၏ ၂၀၂၄ ခုနှစ်အတွက် နှစ်သစ်အမှာစကား

လူသားအားလုံး နာကျင်ခံစားနေရပါတယ်။

ကျွန်တော်တို့ရဲ့ ကမ္ဘာဂြိုဟ်မှာ အန္တရာယ်ကျရောက်နေပါတယ်။

၂၀၂၃ ခုနှစ်ဟာ စံချိန်တင် အပူဆုံးနှစ် ဖြစ်ပါတယ်။

ဆင်းရဲမွဲတေမှုနဲ့ ငတ်မွတ်ခေါင်းပါးမှုတွေ တိုးပွားလာတာကြောင့် လူတွေဟာ ပိုပြီး အကျပ်အတည်းတွေ့လာကြရပါတယ်။

စစ်မက် ဖြစ်ပွားတာတွေ ပိုများလာပြီး ပိုပြင်းထန်လာပါတယ်။

နောက်ပြီး ယုံကြည်မှုလည်း နည်းပါးလာပါတယ်။

ဒါပေမဲ့ တစ်ဦးကိုတစ်ဦး လက်ညှိုးထိုးအပြစ်ဖို့ပြီး လက်နက်နဲ့ချိန်ရွယ်တာတွေဟာ ဘာအဖြေမှ ထွက်လာမှာ မဟုတ်ပါဘူး။

အတူတကွရပ်တည်ကြမှ လူသားတွေဟာ စွမ်းအားအကြီးမားဆုံးဖြစ်မှာပါ။

၂၀၂၄ ခုနှစ်ဟာ ယုံကြည်မှု ပြန်လည်တည်ဆောက်ဖို့နဲ့ မျှော်လင့်ချက်တွေ ပြန်လည်ထားရှိဖို့အတွက် နှစ် တစ်နှစ် ဖြစ်ရပါမယ်။

အတူတကွဖြေရှင်းဖို့နည်းလမ်းတွေ ရဖို့အတွက် မတူကွဲပြားမှုတွေကို ဖြတ်ကျော်ပြီး အတူလက်တွဲလုပ်ဆောင်ကြရပါမယ်။

ရာသီဥတုပြောင်းလဲမှုဆိုင်ရာ ဆောင်ရွက်ချက်တွေအတွက်၊

အားလုံးအတွက် စီးပွားရေး အခွင့်အလမ်းတွေနဲ့ ပိုမို မျှတတဲ့ ကမ္ဘာ့ဘဏ္ဍာရေးစနစ်အတွက် အတူလက်တွဲလုပ်ဆောင်ရပါမယ်။

နိုင်ငံတွေနဲ့ လူမှုအသိုက်အဝန်းတွေကြား ဆက်ဆံရေးကို အဆိပ်သင့်စေတဲ့ ခွဲခြားဆက်ဆံမှုတွေနဲ့ အမုန်းတရားတွေကို အတူလက်တွဲ ဆန့်ကျင်ရပါမယ်။

နောက်ပြီး ဉာဏ်ရည်တုလို နည်းပညာအသစ်တွေဟာ ကောင်းကျိုးအတွက် အင်အားတစ်ခုဖြစ်တယ်ဆိုတာ သေချာအောင်လုပ်ဆောင်ရပါမယ်။

ကုလသမဂ္ဂဟာ ငြိမ်းချမ်းရေး၊ ရေရှည်တည်တံ့တဲ့ ဖွံ့ဖြိုးတိုးတက်ရေးနဲ့ လူ့အခွင့်အရေးတွေအတွက် တစ်ကမ္ဘာလုံးကို ဆက်လက် စည်းရုံးဆောင်ရွက်သွားမှာပါ။

၂၀၂၄ ခုနှစ်ကို အားလုံးအတူ အောင်မြင်အောင်လုပ်ဆောင်နိုင်တယ်ဆိုတဲ့ မျှော်လင့်ချက်နဲ့ ယုံကြည်မှုတို့ တည်ဆောက်တဲ့နှစ်အဖြစ် ဖော်ဆောင်ဖို့ သန္နိဌာန်ချကြရအောင်ပါ။

ပျော်ရွှင်ငြိမ်းချမ်းတဲ့နှစ်သစ်ဖြစ်ပါစေလို့ ဆုမွန်ကောင်းတောင်းလိုက်ပါတယ်။