ကုလသမဂ္ဂ ဌာနေညှိနှိုင်းရေးမှူးရုံး

ဌာနေညှိနှိုင်းရေးမှူးသည် ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ ကိုယ်စားလှယ်ဖြစ်ပြီး၊ နိုင်ငံအတွင်းရှိ ကုလသမဂ္ဂလုပ်ငန်းများ ညှိနှိုင်းဆောင်ရွက်ရန် တာဝန်ရှိသည်။  ကုလသမဂ္ဂ၏ မဏ္ဍိုင်ကြီးသုံးရပ်ဖြစ်သည့် ဖွံ့ဖြိုးရေး၊ ငြိမ်းချမ်းရေးနှင့်လုံခြုံရေးနှင့် လူ့အခွင့်အရေးတို့သည် တစ်ခုနှင့်တစ်ခု ချိတ်ဆက်နေပြီး အပြန်အလှန် အားဖြည့်နေသည်ကို အသိအမှတ်ပြုကာ မြန်မာနိုင်ငံရှိ ကုလသမဂ္ဂအဖွဲ့သည် ဌာနေညှိနှိုင်းရေးမှူး၏ ဦးဆောင်မှုအောက်တွင် ဆောင်ရွက်နေပြီး၊ ၂၀၃၀ ကမ္ဘာ့ ဖွံ့ဖြိုးမှုလုပ်ငန်းစဉ် (စဉ်ဆက်မပြတ်ဖွံ့ဖြိုးတိုးတက်ရေးရည်မှန်းချက်ပန်းတိုင်များ)နှင့် အပြည်ပြည်ဆိုင်ရာသဘောတူညီမှု ယူထားသော စာချုပ်များနှင့် စံနှုန်းများတို့နှင့်အညီ မြန်မာနိုင်ငံ၏ ဦးစားပေးလုပ်ငန်းများ အောင်မြင်စေရန် ပံ့ပိုးကူညီရာတွင် လက်တွဲညီညီဆောင်ရွက်ရေး သေချာစေရန် လုပ်ဆောင်ပါသည်။

မြန်မာနိုင်ငံရှိ ကုလသမဂ္ဂ ဌာနေညှိနှိုင်းရေးမှူးနှင့် လူသားချင်းစာနာမှုဆိုင်ရာလုပ်ငန်းများ ဌာနေညှိနှိုင်းရေးမှူး

မြန်မာနိုင်ငံ၏ ကုလသမဂ္ဂ ဌာနေညှိနှိုင်းရေးမှူး နှင့် လူသားချင်းစာနာမှုဆိုင်ရာလုပ်ငန်းများ ဌာနေညှိနှိုင်းရေးမှူး (ယာယီ)မှာ  မစ္စတာ မာကိုလူဂျီ ကော်စီ  (Mr. Marcoluigi Corsi)  ဖြစ်ပါသည်။

မစ္စတာ ကော်စီ သည် ပြည်ထောင်စုသမ္မတမြန်မာနိုင်ငံ၏ ယူနီဆက်ဆိုင်ရာကိုယ်စားလှယ်အဖြစ် ၂၀၂၁ ဒီဇင်ဘာလ၌ ခန့်အပ်ထားခံခဲ့ရပြီး သူ၏လုပ်ငန်းတာ၀န်ကို ရန်ကုန်တွင် ၂၀၂၂ မေလမှစတင်ခဲ့ပါသည်။

ဤတာ၀န်ကို မထမ်းဆောင်ခင်တွင် သူသည် ယူနီဆက် အရှေ့တောင်အာရှနှင့်ပစိဖိတ် ဒေသပိုင်းဆိုင်ရာဒါရိုင်တာအဖြစ် ၂၀၂၀ ဖေ‌ဖော်၀ါရီလ မှလုပ်ကိုင်ခဲ့ပါသည် ။ သူသည် ယူနီဆက် ကိုယ်စားလှယ် အဖြစ် ၂၀၁၅ ခုနှစ် စက်တင်ဘာလ မှ ၂၀၂၀ ခုနှစ် ဇန်နဝါရီလ အထိ မိုဇမ်ဘစ်ရုံး နှင့် ၂၀၁၁ ခုနှစ် ဩဂုတ်လ မှ ၂၀၁၅ ခုနှစ် ဇူလိုင်လ အထိ ဘိုလီးဗီးယားရုံးတွင် တာဝန်ထမ်းဆောင်ခဲ့ပါသည်။

သူသည် ယူနီဆက်ဆိုင်ရာ လက်‌ထောက်ကိုယ်စားလှယ်အဖြစ်လည်း နှစ်ကြိမ်တိုင်စီ ၂၀၀၅ ခုနှစ် မှ ၂၀၁၁ ခုနှစ် ကို အင်ဒိုနီးရှားနိုင်ငံရုံး ၊ ၂၀၀၂ မှ ၂၀၀၅ ကို အဲထရာနိုင်ငံရုံးတွင်လည်း လုပ်ကိုင်ခဲ့ပါသည်။ ထိုမတိုင်ခင်၌ သူသည် ယူနီဆက်အစီအစဥ်စီမံချက်ရေးဆွဲခြင်း ၊ စောင့်ကြည့်ခြင်းနှင့်အကဲဖြတ်ခြင်း ဌာနအကြီးအကဲအဖြစ် ဆိုမာလီယာနိုင်ငံ လုပ်ကိုင်ခဲ့ပြီး တန်ဇန်းနီးယား ပြည်နယ် ၊ ဒါရက်စ်ဆာလမ် ရှိ လူထုအခြေပြု အစီအစဉ်နှင့်ညှိနှိုင်းရေး ဌာနတွင် စီမံကိန်းအစီအစဉ်စောင့်ကြည့်ခြင်းနှင့်အကဲဖြတ်ခြင်းအတွက် လုပ်ဆောင်ခဲ့ပါသည်။

အီတလီနိုင်ငံသားတစ်ဦးဖြစ်သော မစ္စတာ မာကိုလူဂျီ ကော်စီသည် အီတလီနိုင်ငံ၊ ရောမမြို့ရှိ လာဆာပီယန်ဇာတက္ကသိုလ်မှ နိုင်ငံတကာ နိုင်ငံရေးသိပ္ပံပညာမာစတာဘွဲ့ကို ရရှိထားပါသည်။

Marcoluigi Corsi

မာကိုလူဂျီ ကော်စီ

ကုလသမဂ္ဂဌာနေညှိနှိုင်းရေးမှူးနှင့် လူသားချင်းစာနာမှုဆိုင်ရာလုပ်ငန်းများဌာနေညှိနှိုင်းရေးမှူး (ယာယီ) နှင့် ဌာနေကိုယ်စားလှယ်