ထုတ်ဝေမှု
၂၀၁၉ ခုနှစ် အောက်တိုဘာလ ၂၁ ရက်။
အပြည်ပြည်ဆိုင်ရာလူ့အခွင့်အရေး ကြေညာစာတမ်း
အပြည်ပြည်ဆိုင်ရာလူ့အခွင့်အရေး ကြေညာစာတမ်း (UDHR) သည် လူ့အခွင့်အရေးသမိုင်းတွင် မှတ်တိုင်တစ်ခုဖြစ်သော စာတမ်းဖြစ်ပါသည်။ ကမ္ဘာ့ဒေသအသီးသီးမှ ကွဲပြားသော တရားဥပဒေနှင့် ယဉ်ကျေးမှုနောက်ခံရှိသော ကိုယ်စားလှယ်များမှ ရေးဆွဲထားသော အဆိုပါကြေညာစာတမ်းသည် ၁၉၄၈ ခုနှစ် ဒီဇင်ဘာလ ၁၀ ရက်နေ့တွင် ပါရီမြို့ ကုလသမဂ္ဂ အထွေထွေညီလာခံမှ (အထွေထွေညီလာ ဆုံးဖြတ်ချက် 217 A) ဖြင့် လူသားအားလုံးနှင့် လူမျိုးအားလုံးအတွက် ဘုံစံနှုန်းအဖြစ် ကြေညာခဲ့သည်။ အခြေခံ လူ့အခွင့်အရေးများကို တစ်ကမ္ဘာလုံးအတိုင်းအတာဖြင့် ကာကွယ်ထိန်းသိမ်းရန် ပထမဦးဆုံး ပေါ်ထွက်လာခြင်းဖြစ်ပြီး၊ ၎င်းကို ဘာသာစကား ၅၀၀ ကျော်သို့ ဘာသာပြန်ဆိုထားပြီးဖြစ်သည်။
