ကုလသမဂ္ဂ အတွင်းရေးမှူးချုပ်၏ ကုလသမဂ္ဂနေ့ သတင်းစကား

ကုလသမဂ္ဂဟာ လက်ရှိကမ္ဘာကြီးရဲ့ ပုံရိပ်တစ်ခုဖြစ်သလို  ဖြစ်လာနိုင်တယ်လို့ ကျွန်တော်တို့သိတဲ့ ကမ္ဘာကြီးရဲ့  ဆန္ဒတစ်ရပ်လည်း ဖြစ်ပါတယ်။

အားလုံးအတွက် ငြိမ်းချမ်းရေး၊ ရေရှည်ဖွံ့ဖြိုးတိုးတက်ရေးနဲ့ လူ့အခွင့်အရေးရှိတဲ့ကမ္ဘာကြီးကို တည်ဆောက်ရာမှာ ကူညီဖို့က ကျွန်တော်တို့ရဲ့ တာဝန်ဖြစ်ပါတယ်။ 

အဲ့ဒါကို ကျွန်တော်တို့တွေ လုပ်ဆောင်နိုင်တယ်ဆိုတာ ကျွန်တော်သိပါတယ်။ လွန်ခဲ့တဲ့ ၇၈ နှစ် ဒီကနေ့လိုနေ့မှာ စတင်အသက်ဝင်ခဲ့တဲ့ ကုလသမဂ္ဂပဋိညာဉ်စာတမ်းက လမ်းညွှန်ပြသထားပါတယ်။

အထူးသဖြင့် သဘောထားကွဲလွဲမှုတွေကို ကုစားဖို့၊ ဆက်ဆံရေးတွေကို ပြုပြင်ဖို့နဲ့ ငြိမ်းချမ်းရေးကို တည်ဆောက်ဖို့ သန္နိဋ္ဌာန်ချထားတဲ့စိတ်ကို အရင်းခံထားတာဖြစ်ပါတယ်။

အခွင့်အလမ်းတွေကို ချဲ့ထွင်ဖို့နဲ့ ဘယ်သူတစ်ဦးတစ်ယောက်မှ မကျန်ခဲ့စေဖို့၊

တရားမျှတမှု၊ သာတူညီမျှမှုနဲ့ အမျိုးသမီးတွေနဲ့ မိန်းကလေးတွေအတွက် အခွင့်အလမ်းတွေ သေချာစေဖို့၊

လိုအပ်နေသူတွေထံ အသက်ကယ်ဆယ်ရေး အထောက်အပံ့တွေ ပေးအပ်နိုင်ဖို့နဲ့

ဖြစ်ပွားနေတဲ့ ရာသီဥတု အရေးပေါ်အခြေအနေတွေကနေ ဉာဏ်ရည်တု နည်းပညာရဲ့  အန္တရာယ်နဲ့ အလားအလာတွေအထိ ကုလသမဂ္ဂ စတင်ဖွဲ့စည်းခဲ့စဉ်က မရှိခဲ့တဲ့ စိန်ခေါ်မှုတွေကို ကိုင်တွယ်ဖြေရှင်းနိုင်ဖို့ လုံလောက်တဲ့ ပြောင်းလွယ်ပြင်လွယ်ရှိစေဖို့ စတဲ့ သန္နိဋ္ဌာန်ချထားတဲ့စိတ်ကို အရင်းခံထားတာလည်း ဖြစ်ပါတယ်။

ကုလသမဂ္ဂကို ထာဝရ တန်ဖိုးတွေ အခြေခံမူတွေနဲ့ လမ်းညွှန်မှုပြုထားတာြဖစ်ပါတယ်။ ဒါပေမယ့် အဆုံးသတ်မှာ ရပ်တန့်သွားတာမျိုး ဘယ်တော့မှ မဖြစ်ရပါ။ ဒါ့ကြောင့် ကျွန်တော်တို့ရဲ့ လုပ်ကိုင်ပုံတွေကို အစဉ် မြှင့်တင်နေရမှာြဖစ်သလို  ဆောင်ရွက်သမျှတိုင်းမှာလည်း ၂၁-ရာစု အတွေးအမြင်တွေကို အသုံးချရမှာ ဖြစ်ပါတယ်။

ဒီကနေ့ကျရောက်တဲ့ ကုလသမဂ္ဂနေ့မှာ ကျွန်တော်တို့ရဲ့ ဆန္ဒတွေထားရှိတဲ့ ပိုမိုကောင်းမွန်တဲ့ ကမ္ဘာကြီးကို တည်ဆောက်ဖို့ ရည်မှန်းကာ သန္နိဋ္ဌာန်ပြုကြရအောင်ပါ။

ကျွန်တော်တို့ရဲ့ အရေးပါလှတဲ့ အဖွဲ့အစည်းရဲ့ အမည်နာမနဲ့ ကိုက်ညီတဲ့ အနာဂတ်အတွက် ကတိပြုကြရအောင်ပါ။

ကျွန်တော်တို့ဟာ ကွဲပြားနေတဲ့ ကမ္ဘာတစ်ခုဖြစ်ပါတယ်။ ဒါပေမယ့် ကျွန်တော်တို့ဟာ ညီညွတ်တဲ့ နိုင်ငံတွေဖြစ်နိုင်ပါတယ်၊ ဖြစ်ကိုဖြစ်ရပါမယ်။