ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး၏ နှစ်အလိုက် အစီရင်ခံစာ - ကုလသမဂ္ဂ လူ့အခွင့်အရေးကောင်စီ၏ အာရုံစိုက်မှု လိုအပ်နေသော လူ့အခွင့်အရေးအခြေအနေ

လူ့အခွင့်အရေးကောင်စီ၏ ဆုံးဖြတ်ချက်အမှတ် ၄၇/၁ အရ ပြင်ဆင်ထားသည့် ဤအစီရင်ခံစာသည် မြန်မာနိုင်ငံတွင် ၂၀၂၂ ခုနှစ်၊ ဖေဖော်၀ါရီလ၊ ၁ ရက် မှ ဇန်န၀ါရီလ၊ ၃၁ ရက်နေ့ အတွင်း ဖြစ်ပွားခဲ့သောလူ့အခွင့်အရေးချိုးဖောက်မှုများ၏ ဦးတည်ရာနှင့် ပုံစံတူအခင်းအကျင်းများကို ဖော်ပြထားပါသည်။ အာဏာသိမ်းပြီး နှစ်နှစ်အကြာတွင် မြန်မာစစ်တပ်သည် အာဏာသိမ်းမှု ဖီဆန်သော အတိုက်အခံများအား သတ်ဖြတ်ခြင်း၊ တရားလက်လွှတ် ဖမ်းဆီးခြင်း၊ ညှင်းပန်းနှိပ်စက်ခြင်း၊ အဓမ္မ အစဖျောက်ခြင်း၊ တရားစွဲခြင်းနှင့် စီရင်ချက်ချခြင်းများကဲ့သို့ အကြမ်းဖက်နည်းများအား အဆက်မပြတ် အသုံးချခြင်းဖြင့် တိုင်းပြည်ကို လူ့အခွင့်အရေး အကျပ်အတည်းသို့ အစဥ်တစိုက် တွန်းပို့နေပါသည်။ မြန်မာနိုင်ငံရှိ ပြည်သူအားလုံး၏ အခြေခံရပိုင်ခွင့်များနှင့် လွတ်လပ်ခွင့်များကို ရရှိခံစားနိုင်စေရန်အတွက် တိကျသေချာသော လုပ်ဆောင်ချက်များ အရေးတကြီးလိုအပ်နေပါသည်။ အစီရင်ခံစာသည် မြန်မာစစ်တပ်အာဏာပိုင်များ၊ “အမျိုးသားညီညွတ်ရေးအစိုးရ”နှင့် နိုင်ငံတကာအသိုင်းအ၀ိုင်းအပါအ၀င် သက်ဆိုင်ရာ လူပုဂ္ဂိုလ် အဖွဲ့အစည်းများအားလုံးသို့  အကြံပြုတိုက်တွန်းထားပါသည်။