မြန်မာနိုင်ငံ အရှေ့ပိုင်းရှိ စာသင်ကျောင်းများကို လေကြောင်းမှ တိုက်ခိုက်မှုကြောင့် ကလေးငယ်များ သေဆုံးမှုနှင့် ပတ်သက်၍ ထုတ်ပြန်ချက်

(အလွတ်သဘော ဘာသာပြန်ဆိုချက်)

ပြီးခဲ့သည့် တနင်္လာနေ့က မြန်မာနိုင်ငံအရှေ့ပိုင်း ကယားပြည်နယ်ရှိ စာသင်ကျောင်းနှစ်ကျောင်းကို လေကြောင်းမှ တိုက်ခိုက်မှုတစ်ခုကြောင့် ကျောင်းသား လေးဦးနှင့် ဆရာ နှစ်ဦးတို့ သေဆုံးသွားမှုနှင့် ပတ်သက်၍ယူနီဆက်က ထိတ်လန့် တုန်လှုပ်ရပါသည်။ 

သေဆုံးသွားသော ကလေးငယ်များမှာ အသက် ၁၂ နှစ်မှ ၁၄ နှစ်ကြား ဖြစ်ပါသည်။ ကလေးငယ် အများအပြားလည်း ဒဏ်ရာရခဲ့ကြသည်။ လေကြောင်းတိုက်ခိုက်မှုတွေ လုပ်ချိန်တွင် ကလေးငယ် ၁၀၀ ကျော် စာသင်ကျောင်းထဲမှာ ရှိနေခဲ့ပါသည်။ 

ကလေးများအတွက် အမြဲတမ်း ဘေးကင်းသော နေရာဖြစ်ရမည့် စာသင်ကျောင်းများနှင့် သင်ကြားရေး နေရာများကို ဆန့်ကျင်တိုက်ခိုက်မှုမှန်သမျှကို ယူနီဆက်မှ ပြင်းထန်စွာ ရှုတ်ချပါသည်။

စာသင်ကျောင်းများကို ဆန့်ကျင်တိုက်ခိုက်ခြင်းသည် ကလေးများ၏ အခွင့်အရေးကို ဆိုးရွားစွာ ချိုးဖောက်ခြင်းဖြစ်ပြီး နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေကို ချိုးဖောက်ရာလည်း ရောက်ပါသည်။

#####