လုပ်ငန်းခွင်၌ အကြမ်းဖက်၊ နှောင့်ယှက်မှုများ တားဆီးရေး အရေးယူဆောင်ရွက်ရန် ILO ၏တောင်းဆိုချက်
၂၀၂၁ ခုနှစ် ဒီဇင်ဘာလ ၀၃ ရက်။
ရန်ကုန် (အိုင်အယ်လ်အို သတင်း) - ကျား-မဖြစ်ခြင်းအပေါ် အခြေခံသည့်အကြမ်းဖက်မှု ဆန့်ကျင်ရေး နှစ်စဉ်လှုပ်ရှားမှုကို ၁၆ရက်တာ ကျင်းပလေ့ရှိရာ၊ ဤနေ့ကိုအထိမ်းအမှတ်ပြုလျက် အကြမ်းဖက်၊ နှောင့်ယှက်မှုများကိုတားဆီးရန် မြန်မာ့လုပ်ငန်းခွင်များက အရေးယူဆောင်ရွက်ပါမည့်အကြောင်း ILO က ယနေ့ ပန်ကြားအပ်ပါသည်။
ILO ပြဌာန်းချက်အမှတ် ၁၉၀ ဖြစ်သော အကြမ်းဖက်မှုနှင့်နှောင့်ယှက်မှုဆိုင်ရာပြဌာန်းချက်သည် ၂၀၂၁ ခုနှစ် ဇွန်လ ၂၅ရက် နေ့တွင်အာဏာသက်ဝင်သည်။ ဤစာချုပ်သည် လူအယောက်စီတိုင်းက လုပ်ငန်းခွင်၌ အကြမ်းဖက်မှု၊ နှောင့်ယှက်မှုမှ ကင်းလွတ်ခွင့်ရှိကြောင်းကို အသိအမှတ်ပြုသော နိုင်ငံအချင်းချင်းအကြား သဘောတူကြသည့်ပထမဦးဆုံးသောစာချုပ်ဖြစ်သည်။ ယင်းတွင် ကျား-မဖြစ်ခြင်းအပေါ်အခြေခံသည့် အကြမ်းဖက်၊ နှောင့်ယှက်မှု အပါအဝင်၊ အကြမ်းဖက်မှုနှင့်နှောင့်ယှက်မှု အပေါ်နိုင်ငံတကာက ဖွင့်ဆိုသည့် ပထမဦးဆုံးသော အဓိပ္ပာယ်ဖွင့်ဆိုချက်လည်း ပါရှိသည်။
ပြဌာန်းချက်အမှတ် ၁၉၀ ၌ အကြမ်းဖက်မှုနှင့်နှောင့်ယှက်မှုကို တားဆီး၍ ပပျောက်အောင်ပြုလုပ်ရာတွင်၊ နိုင်ငံများသည် အသင်းအဖွဲ့များအားလွတ်လပ်စွာဖွဲ့စည်းခွင့်အပြင် စုပေါင်းတောင်းဆိုခွင့်၊ ပုံစံမျိုးစုံဖြင့်အဓမ္မ အလုပ်ခိုင်းစေမှုနှင့်မလုပ်မနေရအလုပ်ခိုင်းစေမှုပပျောက်ရေးတို့ကိုထိရောက်စွာအသိအမှတ်ပြုခြင်း၊ကလေး အလုပ်သမားခိုင်းစေမှုကိုထိရောက်စွာဖျက်သိမ်းခြင်းနှင့် အလုပ်အကိုင်ခန့်အပ်ရာ၌ခွဲခြားဆက်ဆံမှုပပျောက် ရေးတို့ကို လေးစား၊ အားပေး၊ သဘောပေါက်ရမည် ဖြစ်ကြောင်း အလေးအနက် ဖော်ပြထားပါသည်။
မြန်မာနိုင်ငံတွင် ယခုနှစ်အစောပိုင်း ဖေဖော်ဝါရီလ စစ်တပ်က အာဏာလွှဲပြောင်းယူချိန်မှစ၍ လုပ်ငန်းခွင် များ၌ အကြမ်းဖက်မှုနှင့်နှောင့်ယှက်မှုများရှိနေကြောင်း တင်ပြအစီရင်ခံတင်ပြသည်များကို ILOက တိုး၍ကြား နေရပါသည်။ ထို့ပြင်၊ ယမန်နှစ် ကမ္ဘာ့ကပ်ရောဂါ ကိုဗစ်-၁၉ စတင်ဖြစ်ပွားချိန်ကစ၍၊ လုပ်ငန်းခွင်များ၌ အ ထူးသဖြင့် အမျိုးသမီးများနှင့်ခုခံကာကွယ်နိုင်စွမ်းအားနည်းသည့်အုပ်စုများအပေါ် အကြမ်းဖက်၊ နှောင့်ယှက် သည့်သတင်းများ ကမ္ဘာနှင့်အဝှမ်းမြင့်တက်လာလျက်ရှိသည်။
“လုပ်ငန်းခွင်ရှိ အကြမ်းဖက်၊ နှောင့်ယှက်မှုများသည် လူ့အခွင့်အရေးချိုးဖောက်မှုကိုဖြစ်စေနိုင်သည့် အပြင် လုပ်ငန်းခွင်၌ ရှိသူတိုင်း၏ကျန်းမာရေး၊ ဂုဏ်သိက္ခာ၊ ကောင်းကျိုးချမ်းသာကို ထိခိုက်စေပါသည်။ ယင်းသည် တန်းတူအခွင့်အလမ်းရရှိမှုကိုခြိမ်းခြောက်ကာ လက်ခံနိုင်ဖွယ်မရှိဘဲ၊ သင့်တော်ကောင်းမွန်သည့်အလုပ်အ ကိုင်နှင့်လည်း သဟဇာတ မဖြစ်ပေ။ လုပ်ငန်းခွင်၌ မည်သူတစ်ဦးတစ်ယောက်မျှခြိမ်းခြောက် မခံရရန်၊ အကြမ်းဖက်ခံရမည်ဟု ကြိမ်းဝါးမခံရကြောင်းသေချာစေရန် လူတိုင်း၌တာဝန်ရှိသည်။ အထူးသဖြင့် အလုပ် ရှင်များအား သင်တို့၏လုပ်ငန်းခွင်များသည် လူတိုင်းအတွက် စိတ်ချရသည့်နေရာဖြစ်ကြောင်းသေချာစေရန် ဦးဆောင်၍လုပ်ဆောင်ရန် ပန်ကြားပါသည်” ဟု ILO ဆက်သွယ်ညှိနှိုင်းရေးအရာရှိ/ကိုယ်စားလှယ် Donglin Li က ပြောကြားသည်။
ကျား-မ ဖြစ်ခြင်းအပေါ်အခြေခံသည့်အကြမ်းဖက်မှုကိုဆန့်ကျင်သော ၁၆ရက်တာ ပြောင်းလဲရေးလှုပ်ရှုားမှု သည် အပြည်ပြည်ဆိုင်ရာလှုံ့ဆော်ရေးပွဲ - အပြည်ပြည်ဆိုင်ရာ အမျိုးသမီးများအပေါ်အကြမ်းဖက်မှု ဆန့်ကျင် ပပျောက်ရေးနေ့ -တစ်ခု ဖြစ်ပြီး၊ နိုင်ဝင်ဘာလ ၂၅ ရက်မှအစပြုကာ၊ လူ့အခွင့်အရေးနေ့ ဖြစ်သော ဒီဇင်ဘာလ ၁၀ရက် နေ့တွင်ပြီးဆုံးသည်။
ILO ပြဌာန်းချက်အမှတ် ၁၉၀ အကြောင်းပိုမိုသိလိုပါက ဤ link တွင်ကြည့်ပါ။
ဤလုပ်ငန်းတွင်အဓိကပါဝင်နေသည့် ကုလသမဂ္ဂရုံးများ
လုပ်ငန်းရပ်များဖြင့်ပံ့ပိုးပေးနေသော ပန်းတိုင်များ
