ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးမှူးနှင့် ဌာနေညှိနှိုင်းရေးမှူး(ယာယီ) ဂွင်လူးဝစ်စ် ၏ မွန် နှင့် ကရင်ပြည်နယ် ခရီးစဉ်

ကုလသမဂ္ဂ ရဲ့ 'ကွင်းဆင်းခရီးစဉ်' ဆိုတာ အစည်းအဝေးခန်းမတွေထဲကနေ အပြင်ထွက်ပြီး လက်တွေ့ဘဝနဲ့ အနီးကပ်ဆုံး ရင်ဆိုင်နေရသူတွေဆီ အရောက်သွားတာပါ။ ခရီးလမ်းပေါ်မှာ နာရီပေါင်းများစွာ ကုန်လွန်ရင်း ဒေသခံတွေရဲ့ အသံကို နားထောင်တာ၊ ဒေသတွင်း မိတ်ဖက်အဖွဲ့အစည်းတွေနဲ့ စကားပြောတာ၊ လုပ်ဆောင်နေတဲ့ ကူညီထောက်ပံ့ရေး အစီအစဉ်တွေကို သွားရောက်ကြည့်ရှုတာတွေအပြင် ဘာတွေက ထိရောက်မှုရှိလဲ၊ ဘာတွေက အဆင်မပြေဘူးလဲ၊ ဘာတွေကို ပြင်ဆင်ဖို့လိုမလဲဆိုတာကို မေးမြန်းလေ့လာတာပဲ ဖြစ်ပါတယ်။

ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိုင်းရေးမှူးနဲ့ ဌာနေညှိနှိုင်းရေးမှူး (ယာယီ) ဂွင်လူးဝစ်စ် အနေနဲ့လည်း မွန်နဲ့ ကရင်ပြည်နယ်ကို ၃ ရက်တာ သွားရောက်ခဲ့တဲ့ ခရီးစဉ်မှာ ဒီအတိုင်းပဲ လက်တွေ့ကျကျ ဆောင်ရွက်ခဲ့ပါတယ်။ ပဋိပက္ခနဲ့ နေရပ်စွန့်ခွာ ထွက်ပြေးရမှုတွေကြောင့် ထိခိုက်ခံစားရသူတွေ၊ အမျိုးသမီးတွေ၊ လူငယ်တွေ၊ လူမှုအဖွဲ့အစည်းတွေနဲ့ မိတ်ဖက်အဖွဲ့အစည်းတွေဆီ သွားရောက်တွေ့ဆုံခဲ့သလို၊ အခြေခံ လိုအပ်ချက်တွေကနေ ပညာရေး၊ အသက်မွေးဝမ်းကျောင်းနဲ့ ဒေသခံများ ရေရှည် ရပ်တည်နိုင်ရေးအတွက် ကူညီထောက်ပံ့ပေးနေတာတွေကိုလည်း သွားရောက် လေ့လာကြည့်ရှုခဲ့ပါတယ်။

မြန်မာနိုင်ငံ အရှေ့တောင်ပိုင်းက တောင်တန်းတွေနဲ့ လှပတဲ့ သဘာဝရှုခင်းတွေကို နောက်ခံပြုပြီး ရှည်လျားတဲ့ခရီးလမ်းတွေ၊ မိုးသည်းထန်းစွာ ရွာသွန်းမှုတွေနဲ့အတူ နေရာများစွာမှာ စကားဝိုင်းပေါင်းများစွာ အပြန်အလှန် ပြောဆိုခဲ့ကြပါတယ်။ ကုလသမဂ္ဂရဲ့ မြေပြင်ကွင်းဆင်း ခရီးစဉ် နောက်ကွယ်က အခြေအနေတွေနဲ့ လက်တွေ့မြေပြင်မှာ ရှိနေဖို့ ဘယ်လောက်အရေးပါတယ်ဆိုတာကို ကျွန်ုပ်တို့နဲ့အတူ ကြည့်ရှု လေ့လာနိုင်ပါတယ်။