မြန်မာနိုင်ငံကုလသမဂ္ဂအဖွဲ့ - အပြည်ပြည်ဆိုင်ရာ အမျိုးသမီးများနေ့ အထိမ်းအမှတ် သတင်းစကား

အပြည်ပြည်ဆိုင်ရာ အမျိုးသမီးများနေ့မှာ မြန်မာနိုင်ငံမှာရှိတဲ့ ကုလသမဂ္ဂ အေဂျင်စီအသီးသီးက ခေါင်းဆောင်တွေအားလုံး စုပေါင်းပြီး တစ်နိုင်ငံလုံးမှာရှိတဲ့ အမျိုးသမီးတွေနဲ့ မိန်းကလေးငယ်တွေရဲ့ ထူးကဲတဲ့သတ္တိ၊ ဦးဆောင်နိုင်မှုနဲ့ ကြံ့ကြံ့ခံနိုင်စွမ်းတွေကို လှိုက်လှိုက်လှဲလှဲ အသိအမှတ်ပြု ဂုဏ်ပြုလိုက်ပါတယ်။

ကျွန်ုပ်တို့ဟာ အမျိုးသမီးတွေရဲ့ အားမာန်တွေကို မြင်တွေ့ရသလို၊ သူတို့ရဲ့အသံတွေကိုလည်း နားထောင်နေပါတယ်။ သူတို့ရဲ့ ဦးဆောင်မှုတွေကိုလည်း အပြည့်အဝ ယုံကြည်ပါတယ်။ ဒါပေမဲ့ လူမှုအသိုက်အဝန်းတွေ ရပ်တည်နိုင်ဖို့အတွက် အမျိုးသမီးတွေရဲ့ ကြံ့ကြံ့ခံနိုင်စွမ်းကိုပဲ အမြဲတမ်း အရင်းအနှီးပြု ပေးဆပ်နေရတာမျိုး မဖြစ်သင့်ပါဘူး။ အမျိုးသမီးအခွင့်အရေးဆိုတာ လူတိုင်းနဲ့ဆိုင်တဲ့ အခြေခံအခွင့်အရေးဖြစ်ပြီး ဘယ်လို အကျပ်အတည်းမျိုးမှာမဆို အမြဲတမ်း ကာကွယ်ပေးထားရမှာပါ။

မြန်မာနိုင်ငံက အမျိုးသမီးတွေနဲ့ မိန်းကလေးငယ်တွေရဲ့ ဘေးကင်းလုံခြုံမှု၊ အခွင့်အရေးတွေနဲ့ သူတို့ဘဝအတွက် အရေးပါတဲ့ ဆုံးဖြတ်ချက်တွေမှာ စိတ်တိုင်းကျ ပါဝင်ခွင့်ရရှိဖို့အတွက် မြန်မာနိုင်ငံမှာရှိတဲ့ ကုလသမဂ္ဂအဖွဲ့ အနေနဲ့ အမြဲတမ်း အတူရှိနေပြီး ဆက်လက်ပံ့ပိုးကူညီသွားမယ်လို့ ထပ်လောင်း ကတိပြုလိုက်ပါတယ်။