ဗွီဒီယို
အန်တိုနီယို ဂူတာရက်စ် (အတွင်းရေးမှူးချုပ်)၏ ၂၀၂၃ ခုနှစ်အတွက် နှစ်သစ်သတင်းစကား
၂၀၂၂ ခုနှစ် ဒီဇင်ဘာလ ၂၉ ရက်။
- နှစ်သစ်တိုင်းဟာ ပြန်လည်မွေးဖွားသည့် အခါသမယ ဖြစ်ပါတယ်။
- နှစ်ဟောင်းမှ အမှိုက်သရိုက် ပြာပုံများကို ဖယ်ရှားပြီး ပို၍ ကောင်းမွန် တောက်ပသော အနာဂါတ်အတွက် ကျွန်ုပ်တို့ ပြင်ဆင်ကြပါတယ်။
- ၂၀၂၂ ခုနှစ်တွင် ကမ္ဘာတစ်ဝှမ်းရှိ သန်းပေါင်းများစွာသော လူများသည် ပြာပုံများကို တကယ့်ပင် ဖယ်ရှားခဲ့ကြရပါတယ်။
- ယူကရိန်းမှသည် အာဖဂန်နစ္စတန်၊ ကွန်ဂို ဒီမိုကရက်တစ်သမ္မတနိုင်ငံနှင့် တခြားနေရာအများအပြား၌ လူများသည် မိမိတို့၏ ပြာကျသွားသော နေအိမ်ပျက်များကို စွန့်ခွာခဲ့ရပြီး၊ ပိုမိုကောင်းမွန်ရာ နေရာသစ်များကို ရှာဖွေ နေထိုင်နေကြရပါတယ်။
- ကမ္ဘာတစ်ဝှမ်းတွင် လူသန်းတစ်ရာသည် စစ်ပွဲများ၊ တောမီးများ၊ မိုးခေါင်ရေရှားခြင်း၊ ဆင်းရဲမွဲတေခြင်းနှင့် ငတ်မွတ်ခေါင်းပါးခြင်း စသည်တို့ကြောင့် ရွှေ့ပြောင်း နေထိုင်နေကြရပါတယ်။
- ၂၀၂၃ ခုနှစ်တွင် ငြိမ်းချမ်းရေးကို ယခင်ကထက် အထူးပင် လိုအပ်နေပါတယ်။
- အချင်းချင်း တွေ့ဆုံဆွေးနွေးခြင်းဖြင့် ငြိမ်းချမ်းရေးရယူပြီး၊ ပဋိပက္ခများ အဆုံးသတ် ရပါမယ်။
- သဘာဝနှင့် ရာသီဥတု ကောင်းမွန်စေခြင်းဖြင့် ပိုမိုရေရှည်တည်တံ့သော ကမ္ဘာကြီးကို တည်ဆောက်ရပါမယ်။
- အိမ်တွင်း အေးချမ်းသာယာခြင်းဖြင့် အမျိုးသမီးများနှင့် မိန်းကလေးများသည် ဂုဏ်သိက္ခာရှိစွာ၊ ဘေးကင်းလုံခြုံစွာ နေထိုင်နိုင်ကြပါမယ်။
- လူ့အခွင့်အရေးအားလုံးကို အပြည့်အ၀ အကာအကွယ်ပေးခြင်းဖြင့် လမ်းများပေါ်နှင့် ကျွန်ုပ်တို့၏ လူမှုအသိုင်းအဝိုင်းတို့တွင် ငြိမ်းချမ်းစေရပါမယ်။
- တစ်ဦးနှင့် တစ်ဦး ယုံကြည်ကိုးကွယ်မှုများကို လေးစားခြင်းဖြင့် ကျွန်ုပ်တို့၏ ကိုးကွယ်ရာနေရာများတွင် ငြိမ်းချမ်းစေရပါမယ် ။
- အမုန်းစကားများနှင့် အလွဲသုံးစားမှုများမှ ကင်းဝေးပြီး၊ အွန်လိုင်းတွင် ငြိမ်းချမ်းရေးကို ရစေရပါမယ်။
- ငြိမ်းချမ်းရေးကို ဗဟိုပြုသော အပြောအဆိုများနှင့် လုပ်ဆောင်ချက်များကို ၂၀၂၃ ခုနှစ်တွင် အကောင်အထည်ဖော်ကြပါစို့။
- ၂၀၂၃ ခုနှစ်သည် ကျွန်ုပ်တို့၏ ဘဝများ၊ ခိုလူံရာနေအိမ်များနှင့် ကမ္ဘာတစ်ဝှမ်းလုံးတွင် ငြိမ်းချမ်းရေး ပြန်လည် ရှင်သန်သည့် နှစ် တစ်နှစ် ဖြစ်စေရန် အတူတကွ ဖော်ဆောင် ကြပါစို့။
