သတင်းထုတ်ပြန်ချက်

ကုလသမဂ္ဂအတွင်းရေးမှူးချုပ်၏ အပြည်ပြည်ဆိုင်ရာ လိင်တူချင်းချစ်ခြင်းနှင့် ဆန့်ကျင်ဖက်လိင်ကဲ့သို့ ပြုမူနေထိုင်ခြင်းများအား မုန်းတီးခြင်းကို ဆန့်ကျင်သောနေ့ သဝဏ်လွှာ

၂၀၂၂ ခုနှစ် မေလ ၁၇ ရက်။

ကမ္ဘာတစ်ဝှမ်းတွင် LGBTIQ+ သန်းပေါင်းများစွာသည် ၎င်းတို့၏ဖြစ်တည်မှု၊ (သို့မဟုတ်) ၎င်းတို့ချစ်မြတ်နိုးသူများအတွက် မတရားမှုများကို ဆက်လက် ရင်ဆိုင် နေကြရပါသည်။

LGBTIQ+ များအပေါ် ဆက်လက်၍ အကြမ်းဖက်မှု၊ ရာဇ၀တ်မှုအဖြစ် သတ်မှတ်မှု၊ အမုန်းစကားများ၊ နှောင့်ယှက်စော်ကားခြင်းများနှင့်၊ ၎င်းတို့အား ပညာရေး၊ အလုပ်အကိုင်၊ ကျန်းမာရေး စောင့်ရှောက်မှု၊ အားကစားနှင့် အိမ်ရာများမှ ထပ်မံဖယ်ထုတ်ရန် ကြိုးပမ်းမှု အသစ်များကြောင့် ကျွန်ုပ် အလွန်စိုးရိမ်ပါသည်။

နိုင်ငံအများအပြားတွင် LGBTIQ+ များသည် 'ပြောင်းလဲခြင်း' ဟုခေါ်သော ကုထုံး၊ အတင်းအကြပ် ခွဲစိတ်ခြင်းနှင့် ကုသခြင်း၊ နှိမ့်ချသော  စမ်းသပ်စစ်ဆေးမှုများ  အပါအဝင် အလွန် အန္တရာယ်ရှိသော အလေ့အထများကို ခံယူကြရသည်။

ဤအတောအတွင်း LGBTIQ+ များသည် ကျွန်ုပ်တို့၏ကမ္ဘာပေါ်တွင် ဆက်စပ်နေသော အကျပ်အတည်းများစွာကြောင့် အဆိုးဆုံးဒဏ်ခံရသော အပယ်ခံအုပ်စုများထဲတွင်ပါဝင်ပြီး၊ COVID-19 ကူးစက်ရောဂါမှသည် ရာသီဥတုအကျပ်အတည်း၊ ဆက်လက် ဖြစ်ပွားနေသော ပဋိပက္ခများနှင့် ကြီးထွားလာသည့် မညီမျှမှုများအထိ ခံစားကြရပါသည်။

LGBTIQ+ များသည် အခြားသူများနှင့် တူညီသော အခြေခံလူ့အခွင့်အရေးများ ရှိပါသည်။ ဖြေရှင်းချက်များက ရှင်းလင်းပါသည်။

LGBTIQ+ များအပေါ် အကြမ်းဖက်မှုကို တိုက်ဖျက်ရန် လိုအပ်ပါသည်။ အန္တရာယ်ရှိသော အလေ့အထများကို တားမြစ်ရန်၊ ကျူးလွန်ခံရသူများအတွက် တရားမျှတမှုနှင့် ထောက်ပံ့ကူညီမှုများပေးရန်နှင့် နှိပ်စက်ညှဉ်းပန်းမှု၊ ခွဲခြားဆက်ဆံမှုနှင့် ရာဇ၀တ်မှုကျူးလွန်ခြင်းတို့ကို အဆုံးသတ်ရန် လိုအပ်ပါသည်။ LGBTIQ+ များကို 2030 အစီအစဉ်၏ မရှိမဖြစ်လိုအပ်သော အစိတ်အပိုင်း တစ်ခုအဖြစ်နှင့် မည်သူမျှ နောက်ချန်မထားခဲ့ရန် ၎င်း၏ ကတိကဝတ်များအဖြစ် LGBTIQ+ များကို ဘေးဖယ်ထားရခြင်း၏ အရင်းခံအကြောင်းတရားများကို ကျွန်ုပ်တို့ ကိုင်တွယ်ဖြေရှင်းရပါမည်။

LGBTIQ+ များအပါအဝင် လူအားလုံး၏ အခြေခံလူ့အခွင့်အရေးနှင့် ဂုဏ်သိက္ခာကို ထောက်ခံအားပေး၍ ပံ့ပိုးကူညီမှုနိုင်မှုအတွက် ကုလသမဂ္ဂက ဂုဏ်ယူပါသည်။

ငြိမ်းချမ်းမှု၊ ပါဝင်မှု၊ လွတ်လပ်မှုနှင့် တန်းတူညီမျှမှုရှိသော ကမ္ဘာကို တည်ဆောက်ရန် လူတိုင်းကို ကျွန်ုပ်တို့နှင့် ပူးပေါင်းပါဝင်ပါရန် တိုက်တွန်းအပ်ပါသည်။

 

ကုလသမဂ္ဂအတွင်းရေးမှူးချုပ်၏ အပြည်ပြည်ဆိုင်ရာ လိင်တူချင်းချစ်ခြင်းနှင့် ဆန့်ကျင်ဖက်လိင်ကဲ့သို့ ပြုမူနေထိုင်ခြင်းများအား မုန်းတီးခြင်းကို ဆန့်ကျင်သောနေ့ သဝဏ်လွှာ

ဤလုပ်ငန်းတွင်အဓိကပါဝင်နေသည့် ကုလသမဂ္ဂရုံးများ

UN
ကုလသမဂ္ဂ

လုပ်ငန်းရပ်များဖြင့်ပံ့ပိုးပေးနေသော ပန်းတိုင်များ